日本學車難唔難？運転免許合宿（後記）

Hanamaru Japanese
5月5日
讀畢需時 3 分鐘

🚗運転MT免許合宿Day3～14｜領車牌及筆試後記

2023年嗰陣寫完兩篇有關於日本考車牌既小記，之後一直忙住就擱置咗更新（ごめんなさい🙏🏻）今次就趁時間補返個後記，同大家記錄埋最後幾日既行程、考試過程，仲有點樣攞正式車牌同國際牌✨

🚗模擬器訓練

臨近畢業前，學校安排咗一堂模擬器訓練。畫面好似以前Game Center果啲駕駛機，不過內容就認真好多，主要係模擬突發情況，例如有人突然衝馬路、前面急煞車之類，訓練你即時反應。其實都幾實用，因為平時係訓練場環境太安全，冇咩突發事，呢堂就特登嚟嚇你一下，提醒駕駛時真係唔可以分心。最有趣是之後在馬路上真的出現突然過馬路追巴士的行人（💦

🚗週末觀光

兩個星期中間週末安排咗一日休息，難得有空檔，就搭車去咗附近有馬溫泉走走。

順便去咗有馬溫泉其中一個地標「寧寧橋」（ねね橋），據說係為咗紀念豐臣秀吉夫人而命名，四季風景都好靚，秋天紅葉特別有feel 🍁

之後有一段小插曲。係溫泉街搵咗間人氣SOBA店食午餐。食食下啱啱有一家香港人，不懂日文，店員想同佢地講BB車就咁放入面比BB坐就OK～但位媽媽又聽唔明以為係指示佢地收好架BB車先入店。見佢哋用Google翻譯同店員都溝通唔到，唯有主動幫手做咗翻譯（懂日文常遇到的事情。

🚘高速公路練習

合宿最後幾日，可以試上高速，對新手嚟講都有啲緊張。

我嗰日負責陪車既教練係岡山縣人，口音比較重，加上第一次開高速本身已經要好專心，成程都好似做緊日語聽力測驗咁😂 （老師懂大家難處喔

📝考試日

日本考路試會安排兩位同學同車。

考官都係平時教開既教練，氣氛算輕鬆，只係互相坐乘客席睇大家路試都鄧大家緊張😂

最後順利合格，教練都話我哋操控得唔錯，整個合宿正式完成。記住記住離開合宿當日要拿畢業證書，而需要呢張畢業證書之後預約筆試。

後記

📖有關筆試

筆試會讓你選中文，英文或日文。上網搜查過蠻多人說中文跟日語字眼會有差別，翻譯未必很到位。而上課都是全日語，聽慣某些日文字眼如：アクセル（油門）、徐行（慢行）等等筆試換做中文很容易令自己混亂。所以可以的話，一般建議用日文應考，上網備試的資源也更多！不過學校提供的備試APP（満点様）也對應中文。試前我也是靠這個反覆練習！

📖考筆試＋領牌

畢業之後，其實仲要返自己住緊嗰個地區的免許試驗場考多一次筆試，試前記得先預約。合格之後就可以即日拎車牌🪪，同時還可以申請國際車牌！

完成筆試約20分鐘會在原位等待結果，結果會在螢幕顯示，沒有自己號碼的人要立即離開待下次重新預約考試（挺尷尬的😂 心想真不希望是其中一員，而合格的人會即時拍駕照上的照片，然後就是數小時的等待⌛️我預約的考試時間是早上九點，搞手續後考試大約是一點，到領證已經大約下午五點。建議去考筆試的人最好是預留一天的時間～